80
Seconde vitorie al Giro d’Italia pal ciclist buiês Jonathan Milan, rivât prin ae svolade di Francavilla al Mare, in provincie di Chieti.
Milan al ten intor la maie ciclamin di prin de classifiche a ponts dopo vê rivât a bati sul travuart Merlier e Groves.
Al è il cuart podi pal atlete di Buie in cheste gare, cun dôs vitoriis e doi seconts puescj. Doman e sarà une altre tape interessante pai cicliscj, cun partence di Martinscuro e travuart a Fano. (a.d.g.) – 15.05.2024
