L’ultin salût dal Friûl a pre Davide Larice

da Alessandro Di Giusto

La int di Davâr e chê rivade di dut il Friûl si è strente ator di pre Davide Larice, muart joibe passade tal ospedâl di Udin a 86 agns. I funerâi a son stâts celebrâts te Plêf di S. Marie di Guart, a Lucins, cun a cjâf bonsignôr Riccardo Lamba, arcivescul di Udin, ae presince di tantis autoritâts e citadins.

Nassût a Dentramp, pre Larice al à dedicât buine part de sô vite ai zovins che a vevin problemis di dipendence de droghe e aes lôr fameis. Tal 1975 al veve fondat a Udin il Centri di solidarietât zovins “Giovanni Micesio”, tacant intune cjasute di vie Zuglio che e veve sîs jets. Di chê prime esperience a jerin nassudis lis comunitâts terapeutichis, i percors di formazion e i progjets par fâ tornâ a vore chei zovins.

Tal 2019 il Comun al veve  conferît a chest om di buine volontât il Sigjîl de citât. Nancje a dîlu, la muart di pre Larice e à causât corot grant in dut il Friûl, indulà che la opare di chest predi e à lassât un segn cetant font. (a.d.g.) – 16.11.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui