“Legno vivo”: musiche e mostris a Sacîl

Tra avigniments, laboratoris, mostris, lezions cun concierts e esibizions, e je in davuelziment a Sacîl la manifestazion “Legno vivo”, sul teme dal len aplicât ae musiche. Sabide ai 6 e je previodude une serie di concierts par dute la zornade, des 10 di matine aes 6 dal dopomisdì, intal centri storic de citât, sot de Loze Antighe dal Municipi. A misdì l’apontament musicâl par cure de Academie di Arcs “Arrigoni” e dal concors “Piccolo Violino Magico” di S. Vît dal Tiliment, cui violiniscj Domenico Mason e Christian Sabastianutto. A Palaç Ragazzoni e va indevant la esposizion di liutarie su origjin e evoluzion dal violin. (A.I.) – 05.05.2023