A un an de muart di Attilio Maseri, il retôr e il diretôr gjenerâl de Universitât dal Friûl, Robert Pinton e Massimo Di Silverio, a memorein la so figure e a rinovin la ricognossince intai siei confronts, ribatint l’impegn cjapât acetant la sô ereditât preziose. Par chest a parteciparan ancje ae messe in ricuart dal cardiolic furlan di fame internazionâl che si tignarà sabide ai 3 di Setembar, aes 6 e mieze sotsere, a Perserean di Pavie di Udin. In chê date di un an indaûr, il luminâr mecenat al è muart ae etât di 85 agns.
Cul obietîf di tarsmeti il so stimul e il so entusiasim aes zovinis gjenerazions, la Universitât di Udin e je daûr a valutâ dutis lis azions buinis par valorizâ l’impuartant lassit. l’Ateneu cun di plui al ativarà une schirie di iniziativis par celebrâ la gjenerositât dal grant sienziât e benefatôr dal Friûl. (A.D.G.) – 01.09.2022
