Al è un avigniment unic e di no pierdi chel inmaneât dal Comun di Prât par sabide ai 8 par celebrâ la Zornade internazionâl de femine. A lâ sù sul palc dal Auditorium comunâl aes 6 di dopomisdì e sarà la zovine cjantautore furlane Nicole Coceancig, vincidore dal Premi “Ciampi” e di altris ricognossiments impuartants. Compagnade di un grup di musiciscj di alt nivel, Nicole Coceancig e presente il so gnûf lavôr “Zohra”, la rose che e slusìs, la protagoniste dal album tematic che al conte lis vicendis di une fantate di cutuardis agns che e scjampe dal Pakistan e che e rapresente il sium dal riscat, de libertât e de emancipazion. Un album penç e emozionant che al conte il viaç di personis dilunc de rote balcaniche che e puarte dal Pakistan al Friûl-Vignesie Julie, passant ostacui, confins e patint ogni gjenar di violence. (A.I.) – 08.03.2025
Foto di I. Wight
