A Codroip un omaç al ‘so’ diretôr di innomine mondiâl

Codroip al fâs un omaç a Paolo Paroni, diretôr di orchestre di innomine mondiâl e so citadin innomenât, cul conciert “Un classicismo eroico” (Un classicisim eroic), dedicât a doi dai gjenis musicâi plui grancj de storie: Wolfgang Amadeus Mozart e Ludwig van Beethoven. Vinars ai 5 sul palc dal Teatri “Benois De Cecco” e sunarà la FVG Orchestra, direte propit di Paroni, cun Francesco Nicolosi solist al piano. Diretôr ospit principâl dal New York City Ballet dal 2014, Paolo Paroni al à lavorât cun orchestris e teatris lirics di rilevance internazionâl. (A.I.) – 04.04.2024