Tal 2025 a son nassûts in Italie 14 mil frutins in mancul a pet dal an prime. Il tas di feconditât al à cussì tocjât un gnûf minim storic:il numar medi di fîs par femine al è sbassât a 1,14, dal 1,35 che al jere tal 2015. La etât medie dal prin part e je di 32,8 agns che e devente di 33,5 agns se no si ten cont des feminis forestis. A dâ l’alarme su la denatalitât al è stât Adriano Bordignon, president dal Forum Nazionale Associazioni Familiari, che al domande politichis struturâls talianis e europeanis par cambiâ direzion.
In Friûl no va miôr che in Italie: il tas di feconditât al è di 1,15 fîs par femine, ma al devente 1,05 fîs par femine se no si ten cont des forestis, che par lôr la medie e je di 1,83 fîs par femine. La etât medie de femine al part e je in regjon di 33,5 agns pes talianis e di 29,5 pes forestis. (a.d.g.) – 21.10.2026
