Al somee che il flum di cocaine che al côr inte nestre regjon nol vedi di suiâsi. Daspò dai secuestris fats a Udin indulà che a doi afghans a son stâts secuestrâts passe 100 grams di cheste droghe, e je stade la volte di Staranzan indulà che ai 28 di Setembar i agjents de Polizie di Stât a àn scuviert, platadis sot tiere, dosis di cocaine prontis par jessi vendudis e, tal mieç dal vert, ancje une belance di precision e bêçs.
I poliziots dilunc di un servizi a vevin viodût lâ e vignî intune zone agricule di vie Sacchetti. Fasint controi a vevin cjatât tal mieç de vegjetazion doi pakistans e dopo la robe che e je stade secuestrade.
Il tribunâl di Gurize al à convalidât i arescj: un dai doi al è stât puartât te preson di Triest e a chel altri al è stât ordenât di no fermâsi in Friûl – Vignesie Julie. (a.d.g.) – 21.10.2026
