A “Note Nuove” la scree cun dôs ghitaris

Prin apontament a Udin pal festival “Note Nuove”, inmaneât de associazion culturâl Euritmica e cu la poie dal Ministeri de Culture, de Regjon e dal Comun di Udin. Une esplorazion des formis musicâls contemporaniis plui diferentis che e je in vore sul teritori di cuasi vincj agns. Joibe ai 22 la scree tal Teatri “San Giorgio” di Udin cul grup dal grant Carl Verheyen, considerât dai esperts un dai dîs miôr ghitariscj dal mont, cognossût par vê sunât cui inglês Supertramp e par ve fat cun lôr il tour dal cuarantesim aniversari. A vierzi la serade aes vot di sere e sarà une stele dal rock blues furlan, il ghitarist Anthony Basso. (A.I.) – 21.10.2026

Foto di L. Ierman