8
Al tocjarà spietâ fintremai dai 28 di Març dal prossim an par svolâ dal aeropuart Roncjis di Monfalcon a chel todesc di Francoforte. Lu àn comunicât adun Lufthansa e Trieste Airport sotlineant che il colegament al sarà operatîf cun doi svoi par dî, par un totâl di 13 svoi setemanâi fats cun Air Dolomiti. Chel cun Francoforte al è un colegament strategjic parcè che il grant aeropuart todesc al è un dai plui impuartants pai svoi in chei altris continents.
La sospension dilunc dal Invier e je leade ae situazion internazionâl che e à puartat a un aument fûr dal normâl dal carburant e dal fat che al coventave programâ cualchi linie. (a.d.g.) – 20.10.2026
