10
La ASU – Associazion Sportive Udinese e à vierzût il Campionât di Gjinastiche Ritmiche de Serie A1 cuntune prime posizion maraveose. Li dal Forum Umbria a Terni, tal prin turni de stagjon regolâr, la scuadre in blanc e neri (Tara Dragaš, Isabelle Tavano, Gaia Zurlo, Adele Asquini, cu lis risiervis Giulia Facinoli e Matilde Marcon) e à otignût un risultât di 109.900, dominant lis aversariis e lassant un segnâl une vore impuartant pe corse pal titul talian. Chest sucès al è stât ancjemò plui impuartant parcè che otignût des gjinastis dal club cence doprâ un “prestit” forest. A puartâ indevant la scuadre e je stade Tara Dragaš, la stele dal dì, cun doi esercizis di nivel une vore alt. (A.I.) – 20.10.2026
