Alessandro Serra, regjist di “Tragùdia”, la comedie che e à vierzût il cartelon teatrâl dal Ert dal 2025/2026 a Gnove Gurize te suaze dal GO!2025, al torne tal circuit regjonâl. Il regjist al torne tai teatris regjonâi cun “I Turcs tal Friùl” di Pier Paolo Pasolini, programât a tacâ di martars ai 20 tal Teatri “Pasolini” a Çarvignan e po dopo tes salis ERT: miercus ai 21 tal “Pasolini” di Cjasarse e joibe ai 22 tal “Sociale” di Glemone. Il spetacul al à debutât in prime vision nazionâl, cuntune repliche dople, ai 11 e ai 12 di Setembar tal Teatri gnûf “Giovanni da Udine”. Scrit di Pasolini tal 1944 e modelât daûr de struture di une antighe tragjedie, “I Turcs tal Friul” al è stât interpretât di Alessandro Serra midiant di une gnove scriture seniche che e met al centri la fuarce poetiche e musicâl da lenghe furlane. La comedie e je presentade in marilenghe cun soretitui pat talian. (A.I.) – 20.10.2026
Foto di A. Serra
