10
Plui de metât dai puescj di lavôr proponûts des aziendis dal Friûl Vignesie Julie a restin vueits. A mancjin candidats o lis competencis no son avonde buinis par fa chel lavôr. Lis dificoltâts a àn a ce fâ cul 55% des assunzions programadis, cuintri di une medie taliane dal 43,6%.
Cundut di cheste situazion, la domande di assunzions e je in cressite. Su la fonde dai dâts dal boletin Excelsior, pandût des Cjamaris di cumierç de regjon, lis aziendis a previodin 10.580 assunzions in Otubar, il 5,8% in plui a pet dal Otubar dal 2025. La Cressite e je plui alte fintremai di chê taliane, ferme al 3,7%. Lis jentradis spietadis dentri di Dicembar a varessin di lâ parsore cuote 26.400 assunzions. (a.d.g.) – 19.10.2026
