35
La manifestazion a Pro de Palestine pe ocasion de partide di balon tra Italie e Israêl che ai 14 di Otubar a jere lade a finî mâl par vie dai solits scalmanâts, e torne a fâ fevelâ par vie che a son stâts inviâts a judizi altris cuatri manifestants. La Judiç pe udience preliminâr Giulia Parussini e à tornât indaûr al public ministeri il fassicul pe citazion a judizi di altris cuatri imputâts, lant daûr de stesse strade cjapade de coleghe Rossella Miele che cussì e veve mandât a judizi cuatri di lôr.
I cuatri a son acusâts di vê cjapade part ae manifestazion cu la muse taponade e di vê tirât ogjets, ancje pesants cuintri des fuarcis dal ordin. A chest pont a son vot i imputâts in doi procediments che a laran a procès. (a.d.g.) – 15.10.2026
