Une orchestre di violoncei e scree il “Verdi”.

Une interie orchestre di violoncei, buine di passâ di Bach ai Nirvana, di Purcell a David Bowie, e ilumine il gnûf program dal Teatri “Verdi” a Pordenon. Vinars ai 16 al scomence il program 2026/2027 cuntune esclusive regjonâl une vore speciâl: i 100 Cellos, il progjet ideât di Giovanni Sollima e di Enrico Melozzi, che al à concuistât teatris e altris spaziis in Italie e in dut il mont, mudant ogni conciert intune esperience uniche. Cheste viertidure e da vôs ae curiositât e ae libertât artistiche dal gnûf program, daûr dal sproc “Il teatri al prodûs culture”. Inte Sala Grande, cun Melozzi diretôr e Sollima al violoncel, a saran 76 i musiciscj di dute Italie, ma ancje de Spagne, France e Gjermanie. (A.I.) – 15.10.2026

Foto di M. Borrelli