Riscuvierzi lis lidrîs storichis dal teritori par frontâ lis bisugnis dal presint midiant de misture dai lengaçs artistics, scomençant cu la riscuvierte di cualchi opare leterarie dal baroc furlan. Chest al è il cûr dal gnûf cjapitul dal progjet “Baroc F-Vj”, promovût de associazion IoDeposito, in program par vinars ai 16 li de Domus Tito Macro a Aquilee. La zornade e scomence cuntun apontament di buinore pes scuelis, daspò di chel si vierç al public tal dopomisdì sul tart. L’event “Cleopatre, il podê e il palc di sene” al è un spetacul divulgatîf che al instrece la leterature baroche, la art visuâl e la danze contemporanie, cun leturis, coreografiis de compagnie Arearea e une esposizion mostre di ritrats contemporaniis dal artist Sun Hee Moon. (A.I.) – 15.10.2026
Foto di A. Buldrin
