Lis statuis a fevelin tal domo di Aquilee

Lis statuis a cjalin, a scoltin e a preservin la memorie dal timp. A saran propit lôr a vuidâ il public intun viaç traviers de storie, de art e de identitât, vinars ai 16 a Aquilee par un dai events di “Ancje lis statuis a fevelin”, il progjet pensât e produsût de associazion cultural.CulturArti e sostignût de Regjon. Cheste visite teatrâl imersive, midiant dal teatri, de musiche dal vîf e de narazion di storiis, e dâ vôs ai monuments, aes oparis di art e ai lûcs simbolics dal patrimoni regjonâl. Dentri de Basiliche, il centri de esperience e sarà la figure de Madone elevade al cîl che, doprant lengaç dal teatri, e bandonarà il so cidinôr par contâ ai visitadôrs i events, i cambiaments e lis emozions che e à viodût vie pai secui. Il public al sarà vuidât de atore Caterina Bernardi, dal cjantautôr Edoardo De Angelis e di Andrea Bellavite, il diretôr de Fondazion pe conservazion de basiliche di Aquilee. (A.I.) – 15.10.2026