Jessût dal ospedâl il carabinîr che al à cirût di salvâ Antonietta Zamarian

Al è stât dimetût dal ospedâl di Tisane il brigadîr cjâf Demetrio De Riccardis, il carabinîr di 55 agns di Rivignan che îr di matine al à cirût di salvâ la vite a Antonietta Zamarian, la siore di 83 agns restade blocade cu la so auto dentri dal sotpàs plen di aghe a Tisane, che magari cussì no e je muarte inneade.

A cirî di judâ De Riccardis al jere stât ancje il coleghe, l’apontât sielt Antonio Straniero, ancje lui puartât tal ospedâl par aciertaments daspò dal tentatîf di salvament e jessût za îr. A spietâ De Riccardis fûr dal ospedâl al jere il comandant dal Nucli radiomobile di Tisane, il maressial Gaetano Fazio. (a.d.g.) – 11.09.2026