La citât si fermarà doman par dôs oris, des cuatri e mieze e fintremai des sîs e mieze dal dopomisdì. Il municipi al à proclamât il corot citadin te suaze dai funerâi des dôs sûrs di 11 e 4 agns muartis par vie dal teribil incident sucedût dilunc de strade statâl Pontebbana. La cerimonie e sarà fate inte glesie di S. Andree di Padier.
Cheste tragjedie e à scjassât une vore il cjâf lûc furlan indulà che lis dôs frutis a vivevin e a stavin tornat cul pari tal dopomisdì di domenie ai 23 di Avost, dopo vê passade la zornade al mâr.
Par chestis dôs oris il Comun al invide i citadins, lis istituzions e lis ativitâts economichis a rispietâ il corot blocant se pussibil lis ativitâts programadis.
“Tant che pari prime che sindic – al à dit il prin citadin Alberto Felice De Toni – o desideri zontâmi a non de citat al dolôr dai gjenitôrs e di dute la famee. A pet di un tragjedie tant grande, Udin no pues no jessi solidarie cun cui che al stâ frontant la plui dramatiche des provis”. (a.d.g.) – 02.09.2026
