Ancjemò furlans te finâl dal “Tenco”

Doi progjets nassûts in Friûl in finâl pal premi “Tenco” pet cjançon di autôr. La direzion e à uficializât i cinc finaliscj par ognidune des sîs categoriis. Pe categorie “miôr album a progjet”, i cuasi tresinte gjornaliscj a àn sielt ancje il volum 2 di “Sarò Franco, altre canzoni inedite di Califano”, une produzion ideade e fate dal autôr e discografic udinês Alberto Zeppieri (za premiât tal 2024 pal “Volum 1”). Te stesse categorie a son ancje dôs produzions cun musiche no di chenti, ma curadis da un altri udinês, il studiôs e discografic Valter Colle. Te categorie “album in dialet o lenghe minoritarie”, un dai cinc al è invezit il cjargnel Alvise Nodale cul so disc “Gotes”, fat cu la produzion di Edoardo De Angelis. I risultâts a rivaran dentri dai 5 di Lui. (A.I.) – 26.06.2025