Trê dîs cui Langobarts a Romans dal Lusinç

Si davuelç te gnove aree dal vilaç langobart “Invicta Luporum”, il prin tal mont, che i organizadôrs di Invicti Lupi a son daûr a tirâ su, la decime tierce edizion di “Romans Langobardorum”, la plui grande rievocazion storiche a teme sul teritori european e forsit ancje a nivel internazionâl. Chest an, di vinars ai 6 fint a domenie ai 8 di Jugn a Romans dal Lusinç, e je dedicade ae “Fondazion de vile di Romans”. Par un fin de setemane si tornarà indaûr fint aes lidrîs di un paîs che al fo fondât dai Langobarts tal 568. A saran 26 grups di dutis lis regjons de Italie e dal Mont par ufrî ai visitadôrs une vision complete di chel timp de storie. Tancj i events colaterâi: il simposi di sculture “Faber Langobardorum”, i zûcs tribâi langobarts, provis di fuarce e abilitât par atletis internazionâls, la gare di cusine “Convivium Langobardorum”, musiche dal vîf e la proiezion dal cine documentari “Grimoaldo, il primo re friulano”, Grimalt, il prin re furlan. (A.I.) – 05.06.2025