La stagjon si vierç a Grau al Prin di Mai

A Grau, la stagjon turistiche e scomence cul fin de setemane “lunc” dal Prin di Mai, ufrint un calendari plen di events che a valorizin lis identitâts de citât: dai rituâi de tradizion aes esperiencis te lagune, ai events enogastronomics, sedi tal centri storic, sedi tai paîs dongje. La stagjon balneâr si vierç in maniere uficiâl cuntune cerimonie a misdì e mieç li de jentrade principâl de splaze. D buinore si davuelzarà une procession votive dai pescjadôrs al Santuari de Madone di Barbane, tal cûr de lagune: un event che al met dongje la fede e la memorie coletive. Par cheste ocasion, la piture storiche donade dai pescjadôrs tal 1925, fate dal artist di Joseph Maria Auchentaller, e sarà metude in mostre dongje dal altâr, cuntune gnove imagjin votive. La lagune stesse e ufrìs cetantis oportunitâts par scuvierzi la fin de setemane lunc, cuntune schirie di esperiencis: escursions in barcje, itineraris viers Barbane e visitis vuidadis par esplorâ la nature, lis tradizions e la biodiversitât. La gnot dal Prin di Mai, cuant che e sarà la lune plene, la propueste e je “Tintarella di luna”, un zîr sugjestîf fat di sere cumbinant l’incjant dal tramont cun chel de lagune sot la lûs de lune plene. (A.I.) – 29.04.2026