Ducj a cirin lis lidrîs a Tarvis

Une rassegne dentri de anime plui fonde dal paisaç di Tarvis e dulintor. Si clame “Radici”, lidrîs, la rassegne inmaneade pe seconde volte dal comun di Tarvis jenfri storiis antighis, savôrs e lûcs che a fevelin drets al cûr. Cuasi cuarante i events che si puedin vivi di Lui fint a Setembar, a jentrade libare cence sore nuie ma cuntun numar limitât, si che duncje bisugne notâsi par cjapâ il puest, in rêt sul sît radicitarvisio.com a tacâ di martars ai 2 di Lui. I prins events a saran dai 20 di Lui, po dopo in Avost a tacaran lis cjaminadis e lis escursions par cirî lis olmis dal savê di une volte, e ancje chês ae ricercje dai lûcs mancul cognossûts de storie e de art locâl. (A.I.) – 01.07.2025