Il gjornalist che al à cambiât la musiche in Italie

I events colaterâi de mostre “Italia Settanta”, Italie Setante, dedicade a “Art, mode, dissen” tal Palaç Attems Petzenstein a van indevant a Gurize, ufrint al public une vision profonde dai protagoniscj, des lenghis e dal clime culturâl di un dai moments plui vivarôs e inovatîfs de creativitât taliane. Joibe ai 15 aes 6 di dopomisdì al è un event centrât su la musiche cun Carlo Massarini, une des vôs plui autorevui dal gjornalisim musicâl e de television taliane. Daspò dai agns Setante, spicant pe sô capacitât di discuvierzi e di ripuartâ i disvilups plui impuartants su la sene musicâl internazionâl, al fo un dai prins in Italie a presentâ al grant public chei artiscj che po dopo a saressin deventâts iconis, di Bruce Springsteen a Bob Marley, judant a difondi une gnove culture musicâl fondade su la ricercje e vierte a ce che al jere daûr a vignî fûr. Il co curadôr de mostre, Enrico Minio Capucci, al sarà in dialic cun “Mister Fantasy”, clamât cussì dal program di Massarini che al à cambiât la maniere di presentâ la musiche in Italie, fevelant di rock britanic e talian e di tantis altris robis. (A.I.) – 14.10.2026