Dimoris viertis in 22 lûcs speciâi

Ai furlans, come a ducj, ur plâs viodi lis cjasis di chei altris: magari dome par fâ un confront. Par doi dîs, a varan ancjemò une volte une ocasion uniche par scuvierzi la storie, la architeture, la art e la bielece di chenti in 22 lûcs speciâi: lis residencis privadis che a vierzin dai 25 ai 27 di Avrîl pe tierce edizion de rassegne inmaneade de ADSI, la Associazion des dimoris storichis talianis. Si che duncje par trê dîs al sarà pussibil visitâ cualchi innomenade vile o cjase storiche, palaçs, là che i stes proprietaris a fasaran la vuide, spartint lis storiis e lis tradizions che a son passadis di une gjenerazion a di chê altre. Inte provincie di Udin lis ‘dimoris storichis’ vietis al public a saran 17, di Udin a Feagne, di Cjassà a Pagnà, di Aquilee a Pavie. Trê a son chês de provincie di Gurize e dôs te zone di Pordenon. La liste si cjate in rêt (www.festdsfvg.it) adun cun dut il calendari plen di events, fat di presentazions di libris, mostris di art, concierts, conferencis e degustazions di vins dal teritori. (A.I.) – 24.04.2025