Concierts tes vilis cu la Academie Ricci

Zovins, di talent e za afermâts tal circuit nazionâl de musiche classiche: chescj a son i vot artiscj che la Academie “Ricci” di Udin, vuidade di Flavia Brunetto, e presente te suaze dal Festival des Cjasis Storichis dal Friûl, in program dai 24 ai 26 di Avrîl. La schirie di concierts e scomençarà vinars ai 24 te Vile Rubini di Trivignan cul pianist Ruben Xhaferi, za vincidôr di cetancj premis nazionâi e internazionâi. Sabide ai 25, il Trio David al sune tal Palaç de Gleria a Povolâ e il Duet Libra te Vile Gallici Deciani a Montegnà di Cjassà. Domenie ai 26 si siere cul zovin ghitarist Stéphan Masserano te Vile de Claricini Dornpacher a Butinins di Muimans e la arpiste triestine Paola Gregoric te Vile Florio Maseri a Passarian. (A.I.) – 23.04.2026