La cjaminade ae scuvierte dai lûcs plui impuartants di Gurize cumò si pues fâ ancje cuntune vuide che e fevele par furlan. “Gurize par furlan” al è il titul dal zîr proponût de Associazion culturâl multilinguistiche gurizane Kulturhaus Görz, te suaze dai laboratoris turistics-culturâi dal progjet Borgo Pnrr.
Il gnûf apontament al è in program par sabide ai 8 di Març inte sede di vie Rastello n. 38, aes 3 e mieze dopomisdì. Di li si partirà intun viaç di dôs oris e mieze che al cjaparà dentri il centri de citât e il Borgo Castello compagnâts de vuide Francesca Boscariol, che e contarà curiositâts e informazions su la culture e la lenghe furlane dentri di Gurize, cun aprofondiments sui lûcs che a lein cheste citât ae sô identitât furlane. Il contribût al è di 5 euros. E je conseade la prenotazion.
Par informazions e prenotazions al è a disposizion il numar whatsapp 3927203099 o la direzion di pueste eletroniche: kulturhausgo@gmail.com. (a.d.g.) – 06.03.2025
