A Palme a tornin par cualchi dì i timps di Napoleon

Par un fin de setemane, Palme e torne indaûr di 200 agns, tal 1809: ‘an dal assedi de citât, dominade de France di Napoleon, de bande des fuarcis austriachis. A saran passe tresinte i rievocadôrs di dute Europe che si cjataran te citât patrimoni Unesco pe plui grande rievocazion storiche in Italie, cun vistîts e armis de epoche. In program dôs grandis batais sul cjamp, sabide ai 6 aes 5 di dopomisdì e domenie aes 11.30 di buinore. Ator par Palme, sfiladis, sbandieradôrs, passe 150 tendis tal cjamp militâr des trupis, ma a son in program ancje visitis vuidadis in chei lûcs – galariis e no dome – che par solit a restin sieradis al public. (A.I.) – 04.09.2025