A Dartigne si impare a recuperâ i murets di piere

Pal otâf an consecutîf, l’Ecomuseu des aghis e il Comun di Dartigne a organizin un cors di formazion sul recupar dai mûrs di piere a sec, fat sù cence un materiâl che al lee: un caratar distintîf dal teritori ancje se a pericul di sparizion pe mancjance di manutenzion. Il cantîr-scuele si fâs dai 29 di Avost ai 9 di Setembar inte frazion di Aplie Inferiôr, par riproponi un mistîr dal passât e creâ gnovis oportunitâts di lavôr, tutelâ il paisaç e dimostrâ che une gjestion sostignibile dal teritori e je pussibil. La iniziative e je par ducj: muredôrs, contadins, dipendents publics, libars professioniscj ma ancje citadins. (A.I.) 22.08.22