A Bordan si scree il gnûf museu des paveis

Al è rivât il moment de scree uficiâl de gnove sede dal museu entomologjic MUFFFA dentri de Cjase des paveis di Bordan: sabide ai 10 di Mai al sarà un moment fondamentâl pe istituzion sientifiche, un riferiment unic in Friûl-Vignesie Julie pe conservazion, il studi e la divulgazion dal mont dai insets, soredut paveis e paveis di gnot. Ae scree al sarà presint ancje Alessandro Minelli, entomolic di innomine internazionâl de Universitât di Padue, un dai plui grancj esperts di museus sientifics. Nassût tal 2020, il MUFFFA (Museu des paveis, paveis di gnot e formis aladis) al ten desenis di miârs di bestiis di dut il mont. Al centri la colezion di paveis tropicâls dal diretôr, Francesco Barbieri, cun cetantis donazions di privâts e di colezioniscj. (A.I.) – 08.05.2025