Tara Dragaš: un aur che al jentre te storie

Inte Unipol Forum Arena di Assago, la atlete plui impuartante de ASU, la associazion sportive udinese, e je rivade a cjapâ la medaie di aur inte cope dal Mont di gjinastiche ritmiche. Intune arene dute plene, cul public che i bateve lis mans, compagnade de mari (e alenadore) Špela, Tara Dragaš e à cjapât un aur ae curdele e un bronç ae bale. Un risultât grandonon, stant che e jere la uniche atlete des primis vot a no vê ancjemò une esperience olimpiche. Cu la maiute des Fiamme Oro, Tara e à mostrâ une grande maturitât tecniche e emotive te ultime prove prime dai campionâts dal Mont, il mês che al ven in Brasîl. La do0ple medaie e je un risultât straordenari ancje pe ASU. (A.I.) – 22.07.2025