Tancj atletis furlans te scuadre nazionâl di tîr ae cuarde

I Celescj dal tîr ae cuarde a son pronts a petâ il svol pe sfide dai World Games in program, fin ai 17 di Lui, a Birmingham, in Alabama intai Stâts Unîts. Tra i clamâts de nazionâl taliane di tîr ae cuarde, oms e feminis, a son tancj atletis furlans che a vegnin des scuadris “Taf friuliani Tear Force” e “Furie Rose”: Samanta Becucci, Chiara Berto, Elvis Bortolin, Leonardo Buffolo, Alberto Calandro, Nicola Cappelletto, Andrea Cia, Laura Dal Pont, Simone De Rossi, Denise Ivan, Denis Masiero, Elia Michelin, Cristian Ropele, Lisa Sanson, Marco Santarossa, Nicolò Silvestri e Mauro Tonetto. Ae gare a parteciparan lis cinc scuadris plui fuartis dal mont. Il vie aes competizions al sarà joibe ai 14 di Lui. (A.D.G.) – 11.07.2022