82
La “Fieste dal sport inclusîf” e torne ancje chest an tal PalaPrexta di Udin, la sede de ASU, par meti adun domenie ai 21 une zornade di emozions e condivision sot dal segn de inclusion. Ospit speciâl al sarà Fabio Vida, atlete e tecnic paraolimpic de nestre regjon, che al contarà la esperience straordenarie, adun cun altris campions paraolimpics, di Alessandro Michelizza a Elisa Zoratto, Luca Da Prato, Riccardo Favaro e Stefano Miol: ducj a contaran la lôr esperience, mostrant la fuarce e la bielece dal percors di sport. La fieste e cjape dentri une schirie di garis par dut il dì, viertis a ducj i atletis, sedi cun disabilitât che cence. (A.I.) – 20.09.2025
