Sfilade di campions dai sports “cence balon”

Une serade dedicade al sport furlan e je stade inmaneade par martars ai 11 des 6 dopomisdì tal PalaPrexta, sede de ASU – Associazion sportive di Udin. Dopo il sucès de prime edizion, “Angelo del castello” (Agnul dal cjistiel), il formât inventât di UdineseLife.it, si torne a proponi al public intune vieste gnove che e viodarà lâ sù sul palc “I campions dai sports cence balon”: gloriis olimpichis e zovinis promessis che a fasin part di chei che une volte a jerin clamâts “sports minôrs”. La fieste e viodarà sfilâ nons di lustri dal passât, tant che Gabriella Paruzzi, Daniele Pontoni, Enzo Del Forno e dal dì di vuê, tant che Stefano Viezzi, Lorenzo Gargani, Tiziano Sartogo e la scuadre di ritmiche di A1 de Asu. (A.I.) – 10.06.2024