L’Udin al cjate fûr i goi di Nestorovski

Un mês indaûr al someave aromai un ex zuiadôr dal Udin. Po dopo la societât e à decidût di slungjâ il contrat – che al jere scjadût ae fin di Jugn – cun Ilija Nestorovski. E l’atacant de Macedonie al è par cumò une des sorpresis de scuadre alenade di Sottil, cun sîs goi in trê partidis: un cuintri i diletants dal Rapid Lienz, doi cuintri l’Herta Berlin, une scuadre che e zuiarà lis copis europeanis, e fintremai trê cuintri l’Ilirija di Lubiane, formazion di tierce serie slovene. Intes ultimis dôs partidis, Nestorovski nol jere nancje partît titulâr, ma al à dât la volte intun câs a Deulofeu – che al à vût di lâ fûr dal cjamp par un infortuni – e in chel altri a Success. (A.I.) – 18.07.2002