Il Stadi ‘Friuli’ al cambie non ancjemò une volte

L’Udinese Calcio e Bluenergy Group a àn anunziât la gnove denominazion comerciâl dal stadi di Udin. Il non ‘Bluenergy Stadium’ al identificarà pai prossims 5 agns chel che al è ore presint un dai modei di riferiment tra i stadis europeans, il secont implant di proprietât costruît in Italie, alc di plui di un implant pal balon, viert siet dîs su siet. La multiservizis cun sede in Friûl-Vignesie Julie e la societât blancje e nere a àn comunicât ancje il disvilup di gnovis iniziativis dedicadis al ambient, aes personis e ae economie dal teritori, lant indevant viers un futûr sostignibil e a bas impat ambientâl. Tacade intal 2018, la colaborazion e à prodot za risultâts straordenaris sul front de lote al cambiament climatic: l’Udin si è classificât di fat la societât di balon plui sostignibile di dute la Serie A. (A.I.) – 27.09.2023