Il grant schi al torne a Tarvis a Zenâr

La cope dal Mont di schi e torne in Friûl-Vignesie Julie daspà di 15 agns. Un risultât che nol è stât facil di otignî, daûr dal president Massimiliano Fedriga, “rivât dut câs cuntun sfuarç di ducj, e che al vûl jessi ancje il pont par tacâ un gnûf percors bob di la indevant tal timp. La organizazion dai Eyof, i zûcs olimpics pai zovins, e ancje di altris manifestazions di nivel mondiâl, a son la dimostrazion che o sin bogns di meti dongje apontaments internazionâi”. Si davuelzarà a Tarvis sabide ai 17 e domenie ai 18 di Zenâr dal an che al ven la tape di Cope dal Mont di schi alpin par feminis . Un event pussibil in graciis di un sisteme di pistis e implants di nivel cetant alt, che al sarà inmaneât cul jutori di PromoTurismo, la Federazion taliane, il Comun di Tarvis e il Consorzi di promozion turistiche e ancje siet circui dal schi de zone. Pe cuarte volte te sô storie, la piste “Di Prampero” – la plui lungje di dut il calendari cui siei cuatri km – e darà acet aes garis di calade libare e super-G: par cualchidune a saran fondamentâls ancje pe cualificazion olimpiche. (A.I.) – 30.10.2025