Gjinastiche ritmiche: Tara e torne cun dôs medaiis

Tara Dragaš e à fat la sô prime jessude internazionâl de stagjon vincint daurman dôs medaiis. La gjinaste ritmiche de ASU – Associazion Sportive Udinese, cu la maiute de Fiamme Oro, e je stade une des protagonistis al Grant Premi di Tartu, che si è tignût inte citât de Estonie intal fin de setemane. La zovine atlete furlane e à vinçût la medaie di aur te bale, cuntun esercizi maraveôs, e la medaie di arint tes clavetis. Intal concors gjenerâl individuâl, Dragaš e je rivade dome cuarte par vie di un pâr di erôrs. Un esordi internazionâl che al segne une tornade impuartante daspò di une polse par un intervent chirurgjic delicât e che al è un bon segnâl pe stagjon a pene tacade. (A.I.) – 02.03.2026