Ancje un ex dal Udin te pestadice di record in Brasîl

Ancje un ex zuiadôr dal Udin al è stât cjapât dentri te pestadice che e à batût ducj i record dal Mont. La partide di domenie passade dal Atletico Mineiro cuintri il Cruzeiro a Belo Orizonte, in Brasîl, che si è sierade cul risultât di 0-1, e je finide cun ducj i zuiadôrs (e no dome lôr) in cjamp, no par zuiâ ma par pestâsi in dutis lis manieris, daspò di une trussade une vore dure dal portîr Everson cul zuiadôr aversari Christian. L’arbitri al è stât obleât a sivilâ la fin de partide, confermant la vitorie dal Cruzeiro (cuntun gol dal ex zuiadôr de Juventus Kaio Jorge) daspò di vê mostrât in dut ben 23 cartelins ros: un di plui dai zuiadôrs che a jerin in cjamp! Un di chescj al jere Walace Souza Silva, che al à zuiât 160 partidis tal centricjamp tal Udinese dal 2019 al 2024, segnant dome che un gol e che al è tornât in Brasîl propit par zuiâ cul Cruzeiro. (A.I.) – 10.03.2026