A Lignan la ultime tape dal campionât di skateboard

La stagjon dal campionât regjonâl di skateboard de federazion FISR/FVG 2023 e rive al so ultin apontament ai 9 e ai 10 di Setembar, cu la cuinte date a Lignan, inmaneade de ASD Thank You Skateboarding intal Skatepark di Viale Europa, za sede di garis a nivel nazionâl. Sabide lis garis a saran viertis a ducj, e pai vincidôrs a son previodûts premis in bêçs e in materiâl. E vignarà prontade, cun di plui, une aree dedicade ae proiezion di fotos e videos storics de pratiche sportive su lis breis a ruedis a Lignan dai agns ’90 a vuê. Domenie e sarà risiervade aes finâls dal Campionât regjonâl pes diviersis categoriis in gare: dai 8 ai 13 agns, parsore dai 14 e parsore dai 35 agns. (A.I.) – 05.09.2023