Visavì, la danze che e passe i confins

La tierce edizion di Visavì – Gorizia dance festival, il prin festival internazionâl transfrontalîr di danze contemporanie a Gurize e Nova Gurize, ideât di ArtistiAssociati, al tache miercus ai 12 al Teatro Verdi di Gurize cu la prestigjose compagnie Tanzmainz e la prime nazionâl di “Soul Chain “di Sharon Eyal. Joibe ai 13 si scomençarà tal SNG di Nova Gurize cul debut assolût de gnove creazion di Monica Casadei, ‘Pasolini – fuochi segreti’, e po dopo “Le etiopiche” di Mattia Cason. La rassegne e va indevant fintremai a domenie cun tancj avigniments colaterâi, laboratoris, cunvignis e incuintris. (A.I.) – 11.10.2022