Vie pal dì la riflession, sot sere la musiche

Une gnove rassegne par vivi e meti dongje cualchi moment di culture e musiche , emozion e vision cuntun pinsîr critic.“!Dov’eri? Voci dall’Articolo 2” e je la gnove rassegne inmaneade dal comun di Paluce cu la associazion culturâl Euritmica te suaze di “Note Nuove”, che e puartarà tal comun cjargnel musiche cun artiscj furlans e talians, ma ancje moments di riflession sui temis di vuê: il lavôr che al cambie, la precarietât, lis migrazions, la integrazion, la ecologjie. Il diretôr artistic Alessio Velliscig al à decidût di dividi lis zornadis in trê moments: di buinore, students e fameis a saran tirâts dentri in ativitâts pratichis e laboratoris a rivuart de cure e tutele de nature. Tal dopomisdì, incuintris cun esperts, gjornaliscj, operadôrs de culture e ativiscj e ot sere la musiche dal vîf in place, par meti in struc dut ce che al è stât fat e contât vie pal dì. Vinars ai 22, daspò des cunvignis cun Luca Radaelli, Franco Corleone, don Paolo Iannaccone e Abdou Faye, a sunaran Jvan Moda e po dopo Filippo Graziani cun “80 buon compleanno Ivan”. Sabide ai 23 si fevelarà di lavôr, prime dal conciert di Arbe Garbe e Modena City Ramblers e domenie ai 24 di ecologjie cun Marco Pacini, Camilla Tucill, Roberto Kersevan e altris, par sierâ cu la musiche di Urtie e No Good meets Passiòn. (A.I.) – 21.05.2026