Viaç tra lis costelazions intal centri comerciâl

A son tant pôcs i talians che a rivin a resisti al riclam dal oroscop e aes previsions leadis ai segns zodiacâi. “Zodiaco” al è propit il titul dal gnûf spetacul itinerant di Anà-Thema Teatro, pront al debut sabide ai 8 aes 5 dopomisdì tal Place Show Rondò tal Città Fiera di Martignà, che po dopo al cjaparà la vie par un lunc zîr estîf che al tocjarà diviersis localitâts de regjon, e no dome: ancje il cjistiel di Udin. La gnove produzion firmade ae regjie di Luca Ferri e puartarà il public intun viaç inmagant par dute la famee dilunc des galariis dal centri comerciâl, traviers lis costelazions e i segrets des stelis, cumbinant la magjie dal teatri cu la astrologjie. (A.I.) – 07.06.2024