Ute Lemper in place jenfri Europe e Americhe

Trê orchestris par une grande artiste, une de personalitâts plui inmagantis dal panorame musicâl internazionâl, protagoniste di une serade cetant rafinade, “Da Berlino a Broadway”, di Berlin a Broadway”. Lunis ai 4 a S. Vît dal Tiliment, in place dal Popul, la cjantante, balarine, atore, autore e interprete Ute Lemper e sarà compagnade de academie di arcs “Arrigoni” di S. Vît, de academie musicâl Naonis e de Orchestre di Cjamare di Pordenon pe direzion di Valter Sivilotti, cul supuart dal pianist Vana Gierig, firme innomenade dal jazz european, pare tornâ a presentâ cualchi pagjine de sô storie musicâl. Al sarà un viaç esaltant propit te storie de musiche, de Europe ae Americhe, cun cualchi grant classic, di Weill a Brecht, di Marlene Dietrich a Gershwin, di Edit Piaf ai plui innomenâts “musical” americans. Nassude a Münster in Gjermanie tal 1963 ma aromai a stâ di agnorums a New York, Ute e à tacât a stâ sul palc a 16 agns, sielzint daurman chê musiche e chel teatri che a vivevin tes atmosferis dal cabaret storic di Berlin e Parîs. (A.I.) – 02.08.2025