Une tiere par tantis vôs

Un percors musicâl pai confins da lis variis espressions, manieris e stîi dal cjant di tradizion orâl, che al testemonie la ricjece e la molteplicitât culturâl des comunitâts dal nestri teritori. “Une tiere pas tantis vôs”, miercus ai 27 ai Colonos di Vilecjaze di Listize pe rassegne “Avostanis”, al è il titul dal conciert de coral Le Cicale, par cure e cu la direzion di Giuseppina Casarin, cu la colaborazion e la introduzion di Valter Colle. I grancj temis de vite – nainis, cjants rituâi, di vore, di emigrazion e di vuere – a vegnin celebrâts te memorie di un patrimoni di civiltât, che al è une manifestazion de creativitât popolâr, tai siei diviers mûts di “sintî” e te ricjece des tantis lenghis. ” (A.I) – 26.08.2025