Une storie jenfri mît e… i atacs di panic

Al rive de vetrine “Next 22/23” de Regjon Lombardie il spetacul “Argonauti e Xanax”, che al sarà ospitât dal Circuit dal ERT par dôs seradis. Il test di Daniele Vagnozzi, che al coniughe mitologjie e atualitât, al larà in sene miercus ai 29 tal Teatri “Luigi Candoni” di Tumieç e joibe ai 30 tal Teatri Comunâl di Monfalcon. Intal poeme epic “Le Argonautiche”, Apollonio Rodio al conte il viaç di Jason e dai Argonautis ae ricercje di un tesaur inestimabil. In “Argonauti e Xanax” siet fantats, za compagns di liceu, si cjatin par risolvi il misteri di un amì, chel plui brilant e ambiziôs di lôr, sierât in cjase par colpe de ansie e dai atacs di panic. (A.I.) – 28.11.2023