43
Ultins dîs a Udin pal Far East Film Festival, la rassegne dal cine orientâl che si siere vinars ai 2 cu lis ultimis proiezions e ducj i premis dal public. Prime, al prin di Mai, un dai events plui emozionants dal program: la premiazion de mitiche stele di Taiwan, la atore, regjiste e cjantante Sylvia Chang, che e cjaparà il “Gelso d’oro” (Morâr di aur) ae cariere tal teatri gnûf “Giovanni da Udine” des mans di Sabrina Baracetti e Thomas Bertacche, i fondadôrs de rassegne. Tai ultins dîs si viodarà ancje cualchi cine di epoche fat de atore, dai agns Otante a vuê. (A.I.) – 30.04.2025
