Une stele dal violoncel pai Amîs de musiche

Gnûf apontament, il setim, pal festival “Udine Castello” inmaneât dai Amîs de musiche di Udin, cuntun conciert di no pierdi che al viodarà martars ai 20, aes 5 di dopomisdì te Torate di Sante Marie, la stele dal violoncel Giovanni Gnocchi. Cuntun program intitulât “Relazioni segrete” (Relazions segretis), compagnât di Connie Shih al piano, il violoncelist che al à tacât a sunâ cuant che al jere une vore zovin, preseât di nomons di nivel internazionâl tant che Yo-Yo Ma – e di passe dîs agns insegnant, tal “Mozarteum” di Salisburc – al sunarà musichis di Brahms e Schumann. (A.I.) – 19.05.2025