Une serade di armonichis

Un conciert par memoreâ doi innomenâts armoniciscj furlans: Belfiore Flocco, in art Flocco Fiori, a 20 agns de muart, e Enzo Bellina, a cent agns de nassite, ma ancje il Trio Pakai, tai cincuante agns de sô fondazion. Martars ai 6 aes 8 di sere, al Teatri Palamostre, il Comun di Udin al ufrìs une serade a jentrade libare par doi grancj mestris furlans, in colaborazion cul Ensemble Fisarmonicistico Flocco Fiori di Tarcint. Protagoniscj a saran l’ensemble tarcintin, il musicist e compositôr Massimo Pividori e l’armonicist di innomine internazionâl Peter Soave, ducj insiemi intune serade di virtuosisims, goliardie e finecis musicâls, vuidade dal musicolic Alessio Screm. In program ancje la presentazion dal volum didatic “Armoniche friulane” di Massimo Pividori. (A.I.) – 05.12.2022