Une flabe “scure” a Pordenon in esclusive

Un romanç che al è stât une sorprese, vincidôr dal Premi “Campiello” tal 2022, scrit di un autôr une vore zovin, Bernardo Zannoni. E po dopo: la compagnie VicoQuartoMazzini, che e à cjapât une schirie di premis, e la regjie di Michele Altamura e Gabriele Paolocà, che e puarte su la sene Giuseppe Cederna, un dai protagoniscj plui amâts dal teatri e dal cine talian. Chescj a son i elements che a rindin “I miei stupidi intenti” un dai apontaments teatrâi dal an. Une flabe “scure” e visionarie, dulà che lis grandis cuistions de esistence si rifletin tal voi di une bestie, jenfri istint e cognossince, sorevivence e il desideri di cussience. Il spetacul, che al à debutât cualchi dì indaûr in Svuizare, al rive daspò di a pene doi spetacui tal Teatri “Verdi” di Pordenon, in esclusive pal Nordest, miercus ai 29 e joibe ai 30. (A.I.) – 28.04.2026